सीए मे 2020 च्या परीक्षा रद्द
मुंबई : मे 2020 च्या सीए परीक्षा रद्द करण्यात आल्या असून आता नोव्हेंबर 2020 मध्ये पुढील परीक्षा होणार आहे. इन्स्टिट्यूट ऑफ चार्टर्ड अकाऊंटंट्स ऑफ इंडियाने शुक्रवारी (3 जुलै) रात्री उशिरा यासंदर्भात ट्विटरवर पत्रक जारी करुन माहिती दिली.
सुरुवातीला सीए परीक्षा 2 मे ते 18 मे दरम्यान होणार होती. मात्र देशभरातील कोरोना व्हायरसचा प्रादुर्भाव पाहता परीक्षा पुढे ढकलून 19 जून ते 4 जुलै दरम्यान घेण्याचं ठरलं होतं. मात्र त्यानंतरही ही परीक्षा रद्द करुन जुलै ते ऑगस्ट दरम्यान आयोजित करण्याचा निर्णय झाला. 29 जुलै ते 16 ऑगस्टदरम्यान ही परीक्षा पार पडणार होती. मात्र आता ही परीक्षा नोव्हेंबर महिन्यात होणार आहे.
नोव्हेंबरच्या परीक्षेसाठी नवा अर्ज
29 जुलै ते 16 ऑगस्टदरम्यान होणाऱ्या सीए परीक्षेच्या आयोजनाची व्यवहार्यता पडताळली जाईल, असं आयसीएआने गुरुवारी (2 जुलै) सर्वोच्च न्यायालयात सांगितलं होतं. देशभरात कोरोना व्हायरसचा वाढता प्रादुर्भाव लक्षात घेऊन परीक्षा स्थगित करावी अशी मागणी विद्यार्थी वारंवार करत होते.
ABP माझा
0 Comments